အစ္စလာမ့်ရေစီးကြောင်းမှ တာတမံ ခုလုတ်ကသင်းများ(၁၁)
ကယ်တင်ရှင်မလိုအပ်သော အစ္စလာမ်သာသနာ
တမန်တော်သည် ကုရ်အာန်နှင့် ဆန့်ကျင်သော စကားကိုပြော ဆိုခဲ့ခြင်း မရှိ ကြောင်း ကုရ်အာန်ကို ၆၉း၄၃-၄၄-၄၅ တို့တွင်၊ အာမခံချက်အပြည့်အ၀ ပေးထားပြီးဖြစ်သည်။ တ မန်တော်သည် ကုရ်အာန်ပါ အခြေခံ ဥပဒေနှင့် စိုးစင်းမျှ လိုတိုးပိုလျှော့ ပြုပိုိင်ခွင့် ပြောပိုင်ခွင့် မရှိကြောင်းကို ကျမ်း မြတ်ကုရ်အာန် ၁၀း၁၅ တစ်ခုတည်းကို လေ့လာခြင်း ဖြင့် သိရှိနှိုင်ပေသည်။
(၄င်းတို့အပေါ်ဝယ် ငါအရှင်၏ထင်ရှားသော ဗျာဒိတ်များကို ဖတ်ကြားခြင်းခံရသောအခါ ငါအရှင်နှင့် တွေ့ဆုံရမည်ကို မျှော်လင့်မထားသူများက ကုရ်အာန်ကလွဲ၍ အခြား ကျမ်းတစ်ဆောင် (သို့မဟုတ်) ကုရ်အာန်ပါ ဥပဒေများမှ အချို့ကိုပြုပြင်ပြောင်းလဲ ပေးရန်တောင်းဆိုခဲ့ကြ၏။(တမန်တော်) အသင် ဤ သို့ပြောကြားပါလေ ငါသည်ငါ့ ဆန္ဒ အလျှောက် ကုရ်အာန်ပါဥပဒေများကို ပြုပြင်ပြောင်းလဲ ပိုင်ခွင့်မရှိ ပေ။ ငါကိုယ်တိုင်သည်ပင်လျှင် ကုရ်အာန်၏အမိန့်အတိုင်း အမိန့်နာခံရသူဖြစ်သည်။ ဧကန်ငါသည် ငါ့ အရှင့်အမိန့်ကို မနာခံပါက ကြီးကျယ်သော တရားစီရင်မည့်နေ့၏ ပြစ်ဒဏ်ကို ငါကြောက်ရွံ့တော် မူ၏ဟူ၍ ပြောကြားပါလေ။)
ထိုဗျာဒိတ်သည် သာမန်မွတ်စလင်မ် တစ်ဦးသည်ပင်လျှင် မိမိတတ်သိသော စာပေဖြင့်တစ်ခါဖတ်ရုံ နှင့်ပင် တမန်တော်သည် ကုရ်အာန်၏မူဝါဒ လမ်းစဉ်နှင့် မြူမှုံမျှ တိမ်း စောင်းသော ပြောဆိုကျင့်ကြံခဲ့ ခြင်း အလျှင်းမရှိကြောင်းကို အချိန်အနည်းငယ် အတွင်းသိရှိ သွားမည်ဖြစ်သည်။
သို့ပါလျှက် ကုရ်အာန်နှင့် ဆန့်ကျင်သော မူဝါဒများသည် အစ္စလာမ်သာသနာ အတွင်းသို့ တမန်တော် က ပြုလုပ်ပြောဆိုခဲ့သည့် အသွင်ဖြင့် အစ္စလာမ့်ဥပဒေများအဖြစ် ၀င် ရောက် နေရာယူ ထားပြီးဖြစ်သည်။ ထိုကဲ့သို့ ဖြစ်ရသော အကြောင်းရင်းများစွာအနက် အဓိကအချက်နှစ်ချက်ကြောင့် ဖြစ်သည်ကို တွေ့ရ ပေသည်။
(၁) မွတ်စလင်မ်များကို ဦးဆောင်သော ဆရာတော်ကြီးများသည် မိမိတို့၏ကျောင်း မိမိတို့၏ဂိုဏ်း မိ မိတို့၏ဆရာများ၏ လူရေးကျမ်းမူဝါဒ လမ်းစဉ်များကို လက်ခံရာ၌ ကုရ် အာန် ၏ စံချိန်စံညွှန်းများဖြင့် စမ်းစစ်မှုမရှိဘဲ လုံးဝဥဿုံ ပြီးပြည့်စုံသော ဘဝလမ်းညွှန် ဥပဒေများအဖြစ် လှေနံဒါးထစ် စွဲကိုင်ထား ကြသောကြောင့်ဖြစ်သည်။
(၂) ထိုရှေ့ဆောင်ဆရာတော် ကြီးများသည် (ကုရ်အာန်၂၅း၁) ပါ ကုရ်အာန်သည် အရာခပ်သိမ်းကို စမ်းစစ်ရသော (ဖုရ်ကာန်) မှတ်ကျေက် ဖြစ်သည်ကိုပင် မသိရှိတော့ဘဲ ကုရ်အာန်ပါ ဥပဒေများကိုပင် ၄င်းတို့၏ ကျောင်းတော်ဝါဒ လူရေးကျမ်းများဖြင့် စမ်းစစ်လက်ခံလာကြသော အလေ့အထများ ကြောင့် ဖြစ်သည်။
ကုရ်အာန်သည် လူသားတစ်ရပ်လုံးအတွက် ဘဝလမ်းညွှန်ဖြစ်ရုံမက စကြဝဠာတစ်ခုလုံးဆိုင်ရာ ဖွင့် ဆိုချက် ကျမ်းကြီးလည်းဖြစ်သည်(၁၆း၈၉)။ ထိုကျမ်းပါ တည်ရှိနေသော နိယာမများသည် ခေတ်ကာ လနှင့် လူသားတို့၏ ဖွံ့ဖြိုးတိုးတက်လာသည့် အချိန်အခါနှင့် အခြေအနေပေါ်တွင် မူတည်၍သိရှိ နှိုင် သော စကြဝဠာဆိုင်ရာ စွယ်စုံကျမ်း ကြီးဖြစ် သည်။ ထိုကဲ့သို့ကမ္ဘာကြီး၏ နောက်ဆုံးနေ့တိုင် လူသား တစ်ရပ်လုံးကို ပြီးပြည့်စုံစွာ အဖက်ဖက်မှ အလုံးစုံလမ်းညွှန် ကျမ်းကြီးကို တုနှိုင်းမဲ့ကိုးကွယ်ရာအရှင် ကိုယ်တိုင်က ‘၏ သည်’မရွေ့ တည်ရှိနေရန် ထိန်းသိမ်းထားမည် ဖြစ်သည်၁၅း၉။
ထိုကဲ့သို့ ကမ္ဘာကြီးတည်ရှိနေသရွေ့ လူသားတစ်ရပ်လုံး အတွက် အဖက်ဖက်မှ ပြီးပြည့်စုံစွာလမ်း ညွှန် လျက်ရှိသော စွယ်စုံကျမ်းကြီး ရှိနေသောကြောင့် မည်သည့်နဗီ တမန် တော်များနှင့် မည်သည့်လူသား ကယ်တင်ရှင်မျှ မလိုအပ်တော့ကြောင်း။ တမန်တော်သည်နောက်ဆုံးးတမန်တော်ဖြစ်သည်။ ကုရ်အာန် ၃၃း၎ဝ တွင် အတိအလင်း ပြဋ္ဌာန်းထားသည်။
(တမန်တော် မုဟမ္မဒ်သည် တမန်တော်များ ပွင့်ခြင်းကို အဆုံးသတ်စေသော နောက်ဆုံးတ မန်တော် ဖြစ်သည်။)
တမန်တော် မုဟမ္မဒ် အပါအဝင် ပွင့်ပေါ်ခဲ့ပြီးသော တမန်တော်အပေါင်းနှင့်စပ်လျှင်း၍ ကုရ်အာန် ၃း၁၄၄တွင်-
(မုဟမ္မဒ်သည် လူသားတမန်တော် တစ်ပါးသာဖြစ်သည်။ ၄င်း၏အလျင်ပွင့်ခဲ့သော တမန်တော်အ ပေါင်းသည် ကွယ်လွန်ခဲ့ကြပြီးဖြစ်သည်။ မုဟမ္မဒ်သည် သေဆုံးသည်ဖြစ် စေ၊ သို့မဟုတ် အသတ်ခံရ သည်ဖြစ်စေ အသင်တို့သည်နောက်ကြောင်းသို့ ပြန်လှည့်ကြမည့်သူများ ဖြစ်ြကမည်လောဟူသည့်)
နောက်ဆုံးတမန်တော် ဖြစ်သော တမန်တော်မုဟမ္မဒ်သည်လည်း သေဆုံးမည်ဖြစ်သည်။ တမန်တော် အလျှင်ပွင့်ပြီးခဲ့သောလူသား တမန်တော်များသည်လည်း သေဆုံးပြီး ဖြစ် သည်ဟု ထိုဗျာဒိတ်က အတိ အတိအလင်း ကျေညာခြင်းဖြစ်သည်။ဆက်လက်၍ ကုရ်အာန် ၂၁း၈ တွင်-
(ငါအရှင်သည် မည်သည့်နဗီ တမန်တော်များကိုမျှ အဟာရစားသုံးမှီဝဲမှု မရှိဘဲရှင်သန်နှိုင်သော ခန္ဓာ များအဖြစ် ဖန်ဆင်းခဲ့ခြင်း မရှိသကဲ့သို့ပင်၊ ၄င်းတို့အား ထာဝရရှင် သန် နှိုင် သူများအဖြစ်နှင့်လည်း ဖန် ဆင်းခဲ့ခြင်း မရှိခဲ့ပေ။)
ထိုဗျာဒိတ်နှစ်ခုသည် မွတ်စလင်မ်များ အပါအ၀င် လူသားတစ်ရပ် လုံးအတွက် အဓိကကျသော အ ချက်ကို ထောက်ပြထားခြင်း်ဖြစ်သည်။
အေဒီ ၆၁ဝ တွင် ကုရ်အာန် စတင် ကျရောက် ရောက်ခဲ့သည်။ ထိုခေတ်မတိုင်ခင် အလျှင်ရှိခဲ့ကြသော သာသနာများအနက် များစွာသော သာသနာဝင်များသည် ၄င်းတို့၏ တ မန် တော်များကို ဘုရားသခင် ၏သားအဖြစ် လည်ကောင်း၊ ဘုရားသခင် ကိုယ်တိုင်က ဝင်စား၍ လူသားအဖြစ် ရောက်ရှိလာသော ဘုရားသခင်၏ ဝိညဉ်တော် များဟူ၍ ကိုး ကွယ်ခဲ့ကြသည်။ ထိုအယူဝါဒများသည် အစ္ပ္စလာမ်သာသနာ နှင့် မည်သို့မျှ ပါတ်သက်မှု မရှိကြောင်း ဖေါ်ပြထားသော အာယသ်များဖြစ်သည်။
နဗီတမန်တော် တစ်ပါးပါးဖြစ်စေ၊ လူသားကယ်တင်ရှင် တစ်ဦးဦးဖြစ်စေ ရောက်ရှိလာဦးမည်ဟု တိုက်ရိုက်ဖြစ်စေ၊ သွယ်ဝိုက်သော နည်းနှင့်ဖြစ်စေ စေ့စေ့တွေးမှရေးရးပေါ် လာ နှိုင်သည့်ဖော် ပြထား ခြင်းမျိုး ကုရ်အာန်တွင် အလျှင်းပါဝင်ခြင်း မရှိပေ။
ကုရ်အာန်သည် နောက်ဆုံးကျမ်း ဖြစ်သည့်အားလျှော်စွာ ရှေးယခင်ကျမ်းဂန် ရများနည်းတူ လူသားတမန်တော်များကို ကိုးကွယ်သည့် ဝါဒများထပ်မံ မပေါ်ပေါက် ရန်အ တွက် အထက်ပါ ဗျာဒိတ်ကို ချပေးခဲ့ ခြင်းဖြစ်သည်။
ကုရ်အာန် ၂၁း၃၄-၃၅ တွင်ဆက်လက်၍-
(ငါအရှင်သည် အသင့်အလျှင်ရှိခဲ့ကြသော မည်သည့်လူသား တစ်ဦးတစ်ယောက်ကိုမျှ ထာဝရရှင်သန်နှိုင်သော သူများအဖြစ် ဖန်ဆင်းခဲ့ခြင်း အလျှင်းမရှိခဲ့ပေ၊ အသင် သည် ပင် လျှင် သေဆုံးရမည်ဖြစ် ပါလျှက် ၄င်းတို့က ထာဝရရှင်သန် သူများဖြစ်ကြ ဦးမည်လော။) ဟူ၍ဖေါ်ပြထားသည်။
တမန်တော် မုဟမ္မဒ်အလျှင်ပွင့်ပေါ်ခဲ့သော တမန်တော် အားလုံးသည် သက်ဆိုင်ရာ လူမျိုးးစုများနှင့် နယ်ပယ်ဒေသများ အတွက်သာပွင့် ခဲ့ခြင်းဖြစ်သည်။
တမန်တော် မုဟမ္မဒ်သည် စကြဝဠာ အနန္တ အ တွက် နောက်ဆုံးပွင့်သော တမန်တော်ဖြစ်သည်။
၎င်း၏ နောက်ပိုင်းမည်သည့် တမန်တော်မျှ ပွင့်ရန် မရှိတော့ပေ။ ထိုကဲ့သို့ပင် ၄င်းထံသို့ဗျာဒိတ် အဖြစ်ချပေးခဲ့သော ကျမ်းမြတ်ကုရ်အာန် မှာလည်း (ဇစ် ကရွန်လိလ်အာ လ မီးန်) စကြဝဠာဆိုင်ရာ လူသားတိုင်းအတွက် နောက်ဆုံးဗျာဒိတ် လမ်းညွှန်ကြီး ဖြစ်သည်။ ထိုကျမ်းကြီး၏ နောက်ပိုင်း ကမ္ဘာ ကြီး တည်ရှိနေသ၍ မည်သည့်လမ်းညွှန်ကျမ်းမျှ ချပေး တော့ မည်မဟုတ် ကြောင်း ကုရ်အာန် တွင် ပြဌာန်း ထားပြီးဖြစ်သည်။
ထိုသို့သော အကြောင်းများကြောင့် ကုရ်အာန် ၂၁း၃၄ တွင် စကြဝဠာ အနန္တအတွက် နောက်ဆုံး ပွင့် သော တမန်တော်မုဟမ္မဒ်သည်ပင်လျှင် သေဆုံးမည် ဖြစ်ပါလျှက်။ ၄င်း၏ အလျှင်လူမျိုးစုများ နယ် ပယ်များ အတွက် ပွင့်ပေါ်ခဲ့သောတမန်တော် များသည် မည်ကဲ့သို့ထာဝရ အသက်ရှင်သန် နေနှိုင်သူ များ ဖြစ်မည်နည်း ဟုမေး ခွန်းထုတ်ထား ခြင်း ဖြစ် သည်။
ထိုဗျာဒိတ်၏ အနှစ်သာရမှာ ရှေးကျမ်းများတွင် နောက်ဆုံးတမန် တော်မုဟမ္မဒ် (အရှင်၏အေးငြိမ်း မှု အပေါင်း ခညောင်းပါစေ) ပွင့်မည့် အကြောင်း ပုံစံအမျိုးမျိုးဖြင့် နေရာ ဒေ သများကိုပါ ဖေါ်ပြထားသည်။
မေတ္တာအရာတွင် သူမတူအောင် စွမ်းဆောင်နှိုင်သော တမန်တော်၊ အရှေ့အလယ်ပိုင်းတွင်ပွင့်မည့် မေတ္တာရှင်၊ မြင့်မြတ်သောနယ်မြေကို (ဂုရု)ပေါင်း တစ်သောင်းနှင့် အတူ ကုလားအုတ်စီး၍သိမ်းပိုက် မည့်သူ၊ ၄င်း၏အမည်သည် (အဟ်မဒ်)(၀ါ) ဖန်ဆင်းရှင်ကို အချီးကျူးဆုံးသောသူ၊ ဟူ၍ရှေးကျမ်းများ တွင်ကြိုတွင်ဖေါ်ပြထားပြီးဖြစ်သည်။
မည်သို့ပင်ဆိုစေ အစ္စလာမ်သာသနာဝင် မွတ်စလင်မ်များအဖို့ အခြေခံဥပဒေဖြစ်သော ကျမ်းမြတ်ကုရ် အာန်အရ တမန်တော်မုဟမ္မဒ် (အရှင်၏ အေးငြိမ်းမှုအပေါင်း ခ ညောင်း ပါစေ) ၏နောက်ပိုင်းမည်သည့် တမန်တော် မည်သည့်ကယ်တင်ရှင်မျှ ရောက်ရှိလာဦးမည်ဟု ဆုိုထားခြင်းအလျှင်းမရှိပေ။ လာရောက် ရန်လည်းအကြောင်း မရှိ တော့ ပေ။ နောက်ဆုံးတမန်တော် သက်တော်ထင်ရှား ရှိ စဉ်ကပင် ကုရ်အာန် ၅း၃ အရ အစ္စလာမ် သာသနာသည် ပြီးပြည့်စုံပြီး ဖြစ်သည်။ ထိုအခြေခံဥပဒေ ကုရ်အာန်က တ မန် တော်သည် နောက်ဆုံး တမန်တော်ဖြစ်သည်။ တမန်တော်၏ နောက်ပိုင်းမည်သည့် တမန်တော်မျှ ရောက်ရှိလာတော့မည် မဟုတ်ဟူ၍ ဆိုထားပြီးဖြစ်သည်။ ကုရ်အာန် ပါ ဤအချက်ကို မည်သည့်အဆို မည်သည့် အယူဝါဒများ နှင့်မျှ အထောက်အထား အကိုးအကားပြု၍ ပယ်ဖျက်၍မရနှိုင်ပေ။ အဘယ် ကြောင့်ဆိုသော် ကုရ်အာန်သည် အရာခတ်သိမ်း၏ မှတ်ကျောက်ဖြစ်သည်။
သေဆုံးပြီးသူများ ဤလောကသို့ ပြန်မလာနှိုင်။
သမိုင်းကျမ်းများ အဆိုအရ မဲဟ်ဒီ(သို့မဟုတ်) တမန်တော် မုဟမ္မဒ်က မဲဟ်ဒီအဖြစ် ပြန်လည်ရောက်ရ လာခြင်း၊ တမန်တော်အလျှင်က ပွင့်ပေါ်ပြီးခဲ့သော တမန်တော်များပြန် လည်ရောက်လာခြင်း၊အချို့ တ မန်တော်များသည် (အဗ်ဗေဟယားသ်) ခေါ် ထာဝရရှင်သန် နေနှိုင်သောရေကို သောက်သုံး ခြင်းဖြင့် ရှင်သန်လျှက်ရှိနေခြင်း၊ သေဆုံးသူများ ကို အသုပပို့၍ ပြန်လာရာ၌ ချေလှမ်းလေးဆယ် ပြည့်လျှင်သေ ဆုံးသူသည် စစ်ဆေးမေးမြန်းခံရန် အတွက်ပြန်လည်ရှင်ခြင်း၊ ဟူသော အဆိုများစွာပါဝင်သည်။
ကုရ်အာန်၏ အခြေခံဥပဒေတွင် သေဆုံးပြီးဖြစ်သော မည်သည့်တမန်တော်ဖြစ်စေ မည်သည့် လူသား ဖြစ်စေ ဤလောကသို့ ပြန်လည်မရောက်ရှိနိုင်ပေ။ကုရ်အာန် ၂၁း၉၅ တွင်-
(ငါအရှင်ဖျက်ဆီးခဲ့သည့် မြို့ရွာသားတို့သည် ဤလောကသို့ ပြန်လာခြင်းကို ဟရမ်ဟူ၍ တားမြစ်ပိတ် ပင် ထားပြီးဖြစ် သည်။) ဟူ၍ လည်းကောင်း၊ ကုရ်အာန် ၂း၂၈။ ၂၂း၆၆ ။ ၄ဝး၁၁။ တို့တွင်-
(အသင်တို့သည် မည်သို့သော အကြောင်းများကြောင့် တုနှိုင်းမဲ့ ကိုးကွယ်ရာအရှင်၏ အမိန့်များကို ငြင်းပယ်ခဲ့ကြ သူများ ဖြစ်ကြရသနည်း။ အမှန်အားဖြင့် အသင်တို့သည် (ရှေးဦးမဆွက)အဝိညာဏက သက်မဲ့ဘဝ၌သာ ရှိခဲ့ကြသည်။ အသင်တို့အား သဝိညာဏက သက်ရှိဘဝသို့ ငါအရှင် ပို့ဆောင်ခဲ့၏။ တစ်ဖန် ထိုအရှင်သည် သင်တို့အား သေစေတော်မူဦး မည်ဖြစ်သည်။ သေစေတော်မူပြီးနောက် ထိုအ ရှင်သည် အသင်တို့အား တစ်ဖန် ရှင်ပြန်ထစေဦးမည် ထို့နောက် အသင်တို့သည် ပြုကျင့်ခဲ့ကြသည့် ကောင်း မှု မကောင်းမှုတို့နှင့် လျော်ညီစွာ ထိုက်တန်သောအကျိုးများးကို ခံစား ကြရန် အတွက် ငါအ ရှင့်ထံတော်သို့ ပြန်လည်ရောက်ရှိ ကြဦးမည်ဖြစ်သည်။)
ကုရ်အာန်၏ အခြေခံဥပဒေတွင် တုနှိုင်းမဲ့ ကိုးကွယ်ရာအရှင်သည် လူသားကို နတ္တိဘာဝ မရှိခြင်းတည်း ဟူသော ဘဝမှ အတ္တိဘာဝ ရှိခြင်းတည်းသော ဘဝသို့ပို့ဆောင် ခဲ့ သည်ဟု ဆိုသည်။ လူသားသည် မ ဖန်ဆင်းခင်အလျင် သက်မဲ့ဘဝတွင် ရှိ၍ ဖန်ဆင်းရှင်က သက်ရှိဘဝသို့ ပို့ပေးခဲ့သည်။ ထို့နောက် သေ ဆုံးကြမည်။ ထို့နောက် ကိယာ မသ် နေ့တွင် ပြန်လည် ရှင်သန်ကြရမည်။ ဤသည် ရှင်ခြင်းနှစ်ရပ် နှင့် သေခြင်းနှစ်ရပ်ဖြစ်သည်။
ကုရ်အာန်၏ ဥပဒေသများသည် လွယ်ကူသည် ရှင်းလင်းသည် တိကျခိုင်မာ ပြတ်သားသည်။ လူတိုင်း နားလည်နှိုင်သော ဝေါဟာရများ ဖြင့်ဖွဲ့စည်း တည်ဆောက်ထားသည်။ ရှေ့နောက်မညီမှု ရှတ်ထွေးမှု ပဟေဠိဆန်မှု မတိမကျ မရေမရာသော ဖေါ်ပြမှု များ ကင်းသော ဥပဒေ သများဖြစ်သည်။
ဒဿနပညာရှင်ကြီး တစ်ဦးမှ သာမန်နွားကျောင်းသားလေး တစ်ဦးအထိ တူညီသော အသိတရားကို ပေးဝေသည်။ သို့သော်ငြားလည်း ကုရ်အာန်ကို ချဉ်းကပ်ရာ၌ ကုရ်အာန် ၏ လမ်းညွှန်ချက်နှင့် ကိုက်ညီ မှသာ ကုရ်အာန်ကပေးသော အသိတရားကို ရရှိနှိုင်မည်ဖြစ်သည်။ ကုရ်အာန်ကို ချဉ်းကပ် ရာ၌ မည် ကဲ့သို့ ချဉ်းကပ်ရမည်ကို ကုရ်အာန်၅၆း၇၉ တွင် လမ်းညွှန်ထားသည်။
(ကုရ်အာန်သည် အဖြူထည်သက်သက် ဖြစ်သူတို့မှအပ အခြားသူများ အတွက်အာနိသင် ရှိမည်မ ဟုတ်ပေ။)
အင်ရှာအလ္လာဟ် ဆက်လက်တင်ပြပါဦးမည်။
ဦးစိုးလွင် (ငြိမ်းချမ်းလျှပ်စစ်)
No Comments Yet
There are no comments yet. You could be the first!
Write comment