အစ္စလာမ့်ရေစီးကြောင်းမှ တာတမံ ခုလုတ်ကသင်းများ(၉)

ဟာဒစ်သမိုင်းကျမ်းပါ တမန်တော်

ကုရ်အာန်က ဖေါ်ပြသော တမန်တော်သည် ကုရ်အာန်၏ လမ်းညွှန်ချက်များ နှင့် ထပ်တူထပ်မျှ ဖြစ်နေသော ကုရ်အာန်ပုံတူ လူသား တစ်ဦးဖြစ်သည်။ တမန်တော်နှင့် ကုရ်အာန်သည် တစ်သွေး တည်း တစ်သားတည်း ဖြစ်တည် နေမှုကြောင့် တမန်တော်သည် ကိုယ်ကျင့်တရားအရာတွင် အကောင်းဆုံးဖြစ် သည်။ မေတ္တာအရာတွင် သူမတူအောင် စွမ်းနှိုင်သူဖြစ်သည်။ တမန်တော်သည် မွတ်စလင်မ်များ၏ စံပြရှေ့ဆောင် ဖြစ်သည်။ မွတ်စလင်မ်များသည် တမန်တော်ကို စံထား၍ တမန်တော့်နည်းတူ ကုရ်အာန်က ညွှန်ကြား ပြသသော ပုံစံခွက်ထဲသို့ မိမိတို့၏ ကိုယ်စိတ်နှလုံး သုံးပါးစလုံးကို ထည့်သွင်း သွန်းလောင်း ပုံဖေါ်ရန် (ကုရ် အာန်၇း၂၀၃ နှင့် ၃း၃၁ ) တို့က လမ်းညွှန်ပြဌာန်းထားသည်။

(အို-တမန်တော်) ၄င်းတို့အား အသင်ဤသို့ ပြောကြားပါလေ၊ (အချင်းတို့) ငါသည်ငါ၏ အရှင်ထံမှ ဗျာဒိတ်အဖြစ် ချပေးခဲ့သော ကုရ်အာန်အတိုင်း သာ ဖဝါးထပ်တူ လိုက်နာကျင့်သုံး ဘဝတည်ဆောက် သူဖြစ်သည်။ ထိုကုရ်အာန် သာလျင် အသင်တို့၏ အရှင်ထံမှ သက်သေ လက္ခဏာဖြစ်သည်။ ထို့ပြင် သက်ဝင်ယုံကြည် သူများအတွက် ဘဝလမ်းညွှန်မှုနှင့် ကရုဏာလည်း ဖြစ် သည်။)

(အို-တမန်တော်) ၄င်းတို့အား အသင် ဤသို့ပြောကြား လိုက်ပါလေ။ (အချင်းတို့) အသင်တို့သည် တုနှိုင်းမဲ့ကိုးကွယ်ရာ အရှင်အား ချစ်ကြောက် ရိုသေခန့်ညား ကြသူများ ဖြစ်ကြပါလျှင် ငါ၏နည်းတူ ကုရ်အာန်အတိုင်း ဖဝါးထပ်တူ ဘဝတည်ဆောက်ကြ။ သို့မှသာ တုနှိုင်းမဲ့ ကိုးကွယ်ရာ အရှင်က အသင်တို့အား ချစ်ခင်မြတ်နိုး တော်မူမည်ဖြစ်သည်။)

ကုရ်အာန်၇း၂၀၃နှင့် ၃း၃၁တို့က တမန်တော်သည် ထာဝရ အရှင်အပေါ် (သ၀က္ကလ်) ပုံအပ်မှု၊ တမန်တော်နှင့် ထိုအရှင်၏စပ်ကြား စိတ်ကွယ်ရာမရှိမှု၊ တမန်တော်၏ ထိုအရှင့်အပေါ် အား ကိုးစိတ်၊ တမန်တော်၏ ထိုအရှင်တစ်ပါး တည်းထံမှအကူအညီ တောင်းခံစိတ်၊ တမန်တော်၏ ထိုအရှင်တစ်ပါး တည်း ထံမှသာ လွတ်ငြိမ်းချမ်းသာ မှုကိုမျှော်လင့်စိတ်၊ တမန်တော်၏ ထိုအရှင်သာလျှင် အရာရာကို စွမ်းဆောင် နှိုင်သည်ဟူသော ယုံကြည်စိတ်၊ တမန်တော်၏ လူသားတစ်ရပ်လုံး အပါအ၀င် သတ္တ၀ါများအပေါ် မေတ္တာထားနှိုင်မှု၊ ဟူသော တမန်တော်၏ ကိုယ်စိတ်နှလုံး သုံးပါးစလုံးကို အတုယူ၍ ဘ၀တည်ဆောက်ရမည်ဟု ပြဌာန်းထားသော ဗျာ ဒိတ်များဖြစ်သည်။
သို့ရာတွင် များစွာသော မွတ်စလင်မ် ဆရာတော်ကြီးများ၏ မွတ်စလင်မ်များ အတွက် ဘဝလမ်းညွှန် ကျမ်းများတွင် တမန်တော်ကို စံထားရာ၌ တမန်တော်၏ သွားလာပြောဆို စားသောက် နေထိုင် ဝတ်စားဆင်ယင်ပုံ ဟူသော ဟဒီးဆ် သမိုင်းကျမ်းများပါ တမန်တော်၏ ပြင်ပ ရုပ်ပိုင်းဆိုင်ရာ ဓလေ့ထုံး တမ်းများသည် မွတ်စလင်မ်များ အတွက် အရေးပါသော ဥပဒေများဖြစ်လာသည်။

ဖော်ပြပါ ထိုပညာရှိများ၏ အရိုက်အရာကို ဆက်ခံလာကြသော မျိုးဆက် သစ်ပညာရှင်များ လက်ထက်တွင် ကုရ်အာန်သည် နှုပ်တိုက် အသံထုတ်ရုံ သက်သက် ဖတ်ရွတ်ရသော တုနှိုင်းမဲ့ကိုး ကွယ်ရာ အရှင်၏ ဗျာဒိတ်ကျမ်းဖြစ်သည်။ ဟဒီးဆ် သမိုင်းကျမ်းများသည် “ စွန္နဟ်” တမန်တော်၏ လက်တွေ့ဘဝ တည်ဆောက်မှု လမ်စဉ်ဖြစ်သည် ဟူသောအချက်ကို မွတ်စလင်မ်များ အတွက် “အီမာန်” သက်ဝင်ယုံ ကြည်မှု အဖြစ် တိုးမြှင့် ပြဌာန်းခဲ့ကြသည်။

ထိုသို့အားဖြင့် ဟဒီးဆ်သမိုင်း ကျမ်းများကို အဓိက ဘာသာရပ် အဖြစ်ဘာ သာရေး ကျောင်းများတွင် သင်ကြားပေးသော ပညာရေး စနစ်ကြီး လွှမ်းမိုးလာခဲ့သည်။ ထိုဟဒီးဆ် သမိုင်းကျမ်းတတ် ပညာရှင်များသည် ဘာသာရေးဆိုင်ရာ ကိစ္စဟူသ၍ကို မြင်တွေ့ ကြည့်ရှု ကြရာ၌ ဟဒီးဆ်သမိုင်း ကျမ်းများ၏ အမြင် ရှုဒေါင့် တစ်ခုတည်းမှ မြင်တတ် ကြည့်တတ်သော အလေ့အထ များသည် အစ္စလာမ့်အခြေခံ ဥပဒေတစ်ရပ် အဖြစ် လွှမ်းမိုးလာခဲ့သည်။ ထိုအချိန်မှ စတင်၍ ကုရ်အာန်ပါ တမန်တော်နှင့် ဟဒီးဆ် သမိုင်းကျမ်းများပါ တမန်တော်သည် လုံးဝဥဿုံ ကွဲပြားခြားနားခဲ့ လေတော့သည်။ ထိုကွဲပြား ခြားနားချက် များကို ယှဉ်တွဲဖော်ပြရပါမည် ဆိုပါ က—-

သမိုင်း ဆရာများ၏ ဖော်ပြချက်အရ တမန်တော် မုဟမ္မဒ်၏ မိန့်ဆိုချက်များ တွင် ၄င်းယူဆောင် လာခဲ့သော အစ္စလာမ် သာသနာကို ထိန်းသိမ်း စောင့်ရှောက် ရန်အတွက် နှစ်တစ်ရာ ပြည့်တိုင်း သာသနာကို ပြန်လည် ထိန်းသိမ်းမည့် (မူဂျဒ္ဒစ်ဒ်) အလင်းရပုဂ္ဂိုလ် တစ်ပါး၊ တစ်ပါးပွင့်မည်။ ထိုအလင်းရ ပုဂ္ဂိုလ် များက သာသနာကို ပြန်လည် ထိန်းသိမ်း၍ မွတ်စလင်မ်များကို လမ်းမှန် ပြမည်။

ကမ္ဘာကြီး ပျက်သုဉ်းရန် နီးကပ်လာလျှင် ယာဂျွဒ်နှင့် မာဂျွဒ်ဟူသော အန္တရာယ် သတ္တ၀ါများကို နှိမ်နင်းရန်အတွက် အေမာမ်မဲဟ်ဒီ ရောက်ရှိလာမည်။ သမိုင်းကျမ်းများ၏ ဖော်ပြချက်တွင် အေမာမ် မဲဟ်ဒီသည် အခြားသူမဟုတ်။ တမန်တော်မုဟမ္မဒ် ကိုယ်တော်တိုင်ပင်ဖြစ်နိုင်သည်။ အဘယ်ကြောင့် ဆို သော် သမိုင်းကျမ်းပါ တမန်တော် မုဟမ္မဒ်ပြောသော မဲဟ်ဒီသည် တမန်တော် မုဟမ္မဒ်တွင် ရှိနေသော အရည်အချင်း များတွင်မက ၄င်း၏ မိဘအမည် များသည်ပင် တမန်တော် မုဟမ္မဒ်၏ မိဘအမည်များနှင့် ထပ်တူထပ်မျှ ဖြစ်နေ သည်။ တမန်တော် မုဟမ္မဒ်က ထိုအကြာင်းကို ပြောကြားစဉ် မဟာသာဝက တစ်ဦးက တမန်တော်မုဟမ္မဒ်အား အေမာမ်မဲဟ်ဒီတွင် ရှိနေသော အရည်အချင်း အားလုံးသည် တမန်တော်မုဟမ္မဒ် နှင့်ခွဲခြား မရအောင် တူနေသည့့် အတွက် ကေယာမသ်နီးလျှင် တမန်တော်မုဟမ္မဒ် ကိုယ်တော်တိုင် အေမာမ်မဲဟ်ဒီအဖြစ်နှင့့် ပြန်လည်ရောက် ရှိလာ မည် မဟုတ်သလော ဟူ၍ မေးခွန်းမေးခဲ့သည်။ ထိုအခါ တမန်တော်က အဖြေမပေးဘဲ ထိုထိုင်ဝိုင်းမှ ထွက်ခွါသွား သည်။ ဤသည့် အချက်ကို ထောက်ရှု၍ များစွာသော ရှေးပညာရှိများက ကေယာမသ်နီးလျှင် အေမာမ်မဲဟ်ဒီအဖြစ် ရောက်ရှိလာမည့် သူသည် တမန်တော် ကိုယ်တိုင် ဖြစ်နှိုင်သည်ဟု ယုံကြည် ကြသည်။

မဲဟ်ဒီသည် ယာဂျွှဒ်နှင့် မာဂျွှဒ်များကို နှိမ်နင်းအပြီးတွင် (ဒဂ်ျဂျလ်)ဟူသော မိစ္ဆာကောင်ကြီး ပေါ်ပေါက်လာဦးမည်။ ထို(ဒဂ်ျဂျလ်) မိစ္ဆာကောင်ကို နှိမ်နင်းရန်အတွက် မိုးလေးထပ်ပေါ်တွင် အ သက်ရှင်သန် လျက်ရှိသော တမန်တော်အီဆာသည် ဒမတ်စကတ်မြို့ ဂျာမေဝတ်ကျောင်းပေါ်ရှိ “မီနာရသ်” သို့ ကောင်းကင်တမန် နှစ်ဦးနှင့်အတူ ဆင်းသက်လာမည်။ ထို“မီနာရသ်”မှ လှေခါး တောင်း၍ ဆင်းလာမည်။

(မိုးလေးထပ် မှ “မီနာရသ်”ထိ ခရီးသည် ကောင်းကင်ဘုံနှင့် ဆိုင်သော ခရီး စဉ်ဖြစ်၍ ကောင်းကင် တမန်များ၏ အကူအညီဖြင့် ဆင်းသက် လာခြင်းဖြစ်သည်။ “မီနာရသ်”မှ ဝတ်ကျောင်းအတွင်း သို့ ဆင်းသက်ရာတွင် လောကီနှင့် ဆိုင်သောခရီး ဖြစ်၍ လူသားသဘာဝ လှေခါးနှင့်ဆင်းသက်ခြင်း ဖြစ်ကြောင်း နောက်ပိုင်း ဟဒီးဆ်သမိုင်း ပညာရှင်များက ထပ်ဆင့် ရှင်းလင်း ဖေါ်ပြထားသည်။)

ထိုအချိန်တွင် အေမာမ်မဲဟ်ဒီက အဆွရ်ဆွလာသ် ဝတ်ပြုရန် အဆင်သင့် ဖြစ်နေသည်။ တမန်တော် အီဆာကို မြင်တွေ့သော အေမာမ်မဲဟ်ဒီက အဆွရ်ဆွလာသ်ကို ဦးဆောင်ရန် မေတ္တာရပ်ခံ မည်။ ထိုအခါ တမန်တော်အီဆာက ကျွန်ုပ်လာခြင်းသည် ဆွလာသ်ကို ဦးဆောင်ရန်မဟုတ်၊ (ဒဂ်ျဂျလ်) မိစ္ဆာကောင် ကို နှိမ်နင်းရန်ဖြစ်သည်။ တမန်တော်အီဆာသည် (ဒဂ်ျဂျလ်) ကိုသတ်၍ နှစ်ပေါင်းများစွာ လောကတွင် ရှင်သန်နေ ထိုင်ဦးမည်။

တမန်တော်အီဆာ အိမ်ထောင်ကျမည် နောက်ပိုင်းသေဆုံးသွားမည်။ ထိုကဲ့ သို့ နဗီတစ်ပါးဖြစ်သော တမန်တော်အီဆာ သေဆုံးပါက မြေမြှုပ်ရန်အတွက် ဟဒီးဆ်သမိုင်းကျမ်းများ အဆိုအရ၊ တမန်တော် မုဟမ္မဒ်၏ မှာကြားမှုဖြင့် မဒီနာရှိ တမန်တော်မုဟမ္မဒ်၏ (ရောက်ဿွာ) သင်းချိုင်းဘေးတွင် တမန်တော် အီဆာကို မြှုတ်နှံရန်အတွက် တမန်တော် အီဆာဟူသော အမည်ကို ရွှေအတိဖြင့် ကဗျည်းအက္ခရာတင်၍ သင်းချိုင်း နေရာ ကြိုတင်ယူထားသည်ကို မဒီနာသို့ ရောက်ဖူး သူတိုင်း မြင်တွေ့ ကြရသည်။

ဖေါ်ပြပါ သမိုင်း ကျမ်းများတွင် ပါဝင်သော အကြောင်းအရာများသည် တမန် တော်မုဟမ္မဒ်၏ ကြိုတင် ပြောကြားချက် များစွာအနက်မှ အချို့သာဖြစ်သည်။ ထိုအကြောင်း အရာများကို ယုံကြည် မှသာ စစ်မှန်သော အစ္စလာမ် သာသနာကို လက်ခံ ယုံကြည်သော မွတ်စလင်မ်ဖြစ်မည်။ ထိုအကြောင်းအရာကို မယုံကြည်ပါက စစ်မှန်သော မွတ်စလင်မ် မဖြစ်နှိုင်ဟူ၍ မွတ်စလင်မ်အများစုကို ရှေ့ဆောင်သော မွတ်စလင်မ်ဆရာ တော်ကြီးများ၏ ဥပဒေများ တွင်ပြဌာန်းထားသည်။

(ကိယာမသ်၏ အတိတ်နမိတ်များ ဆိုင်ရာကျမ်းကို၊ (ကွယ်လွန်သူ) ဆရာ တော်ကြီး အလ်အဇ်ဟရ် တက္ကသိုလ် ပါမောက္ခချုပ် ဒေါက်တာ မုဟမ္မဒ် ဿန်သာဝီ၏ (အကီဒါ-ဝါ- အတ်ခလာက်) အရဗီ မူရင်းကျမ်းမှ အနည်းငယ်ကို ကောက်နှုပ်ဖေါ် ပြသည်။

ဆက်လက်၍ (အစ္စလာမ့်ရေစီးကြောင်းမှ တာတမံခုလုတ်ကသင်းများ(၁၀) တွင်ကုရ်အာန်ပါ တမန် တော်အကြောင်းကို  -

အင်ရှာအလ္လာဟ် ဆက်လက်တင်ပြပါဦးမည်။

ဦးစိုးလွင် (ငြိမ်းချမ်းလျှပ်စစ်)