အစ္စလာမ့်ရေစီးကြောင်းမှ တာတမံ ခုလုတ်ကသင်းများ(၈)

July 5th, 2010

အစ္စလာမ့်ရေစီးကြောင်းမှ တာတမံ ခုလုတ်ကသင်းများ(၈)

In Quranic Knowledge, Tags: mohammed

တမန်တော်မုဟမ္မဒ်ကို မြင်တွေ့ကြရာ၌

အဟ်လေဟဒီးဆ် အခြေခံ မူဝါဒများကို ကုရ်အာန်ထက်ပို၍ လေ့လာလိုက်စား လက်ခံယုံကြည် လာကြသော ယနေ့ခေတ်သစ် မွတ်စလင်မ် အများစုသည် တမန်တော်မု ဟမ္မဒ်ကို မြင်တွေ့ရာ ၌လည်းကောင်း၊ ကုရ်အာန် ကျမ်းမြတ်ကို မြင်တွေ့ကြရာ၌ လည်းကောင်း၊ အစ္စလာမ့် အတိတ်သမိုင်းများကို မြင်တွေ့ကြရာ၌ လည်းကောင်း၊ ဟဒီးဆ် ကျမ်းများပါ သမိုင်းရေး ဆရာများ၏ အဆိုအမိန့် ရှုဒေါင့် အထွေထွေကို အခြေခံ၍ ဆန်းစစ်လက်ခံ ယုံကြည် လာကြသည်။

ထိုခေတ် အဆက်ဆက် ပေါ်ပေါက် လာခဲ့သော သ မိုင်းကျမ်းများပါ အဆိုအမိန့် များသည် ကျမ်းအချင်းချင်း အတွင်း၌ သော်လည်း ကောင်း ကျမ်းတစ်ခုတည်း အတွင်းရှိ အဆိုအမိန့် အချင်းချင်း အတွင်း၌ သော်လည်း ကောင်း၊ ကွဲပြားဆန့့် ကျင်သော အဆိုပေါင်းများစွာ ပါဝင် လေသည်။ ထိုကွဲပြားဆန့်ကျင်သော မူဝါဒလမ်းစဉ်များကို ကျမ်းမြတ်ကုရ်အာန်ပါ အခြေခံဥပဒေများထက် ပိုမိုလက်ခံ ယုံကြည်ကြသော ရှေ့ဆောင်မွတ်စလင်မ် ဆရာတော်ကြီးများသည်၊ ၄င်းတို့အချင်းချင်း အတွင်း၌ ငြင်းခုံလျှက် ဂိုဏ်းဂနပေါင်းများစွာ ပေါ်ပေါက်လာခဲ့ရသည်။ ထိုခေါင်းဆောင်များ၏ နောက်လိုက်အများ မွတ်စလင်မ်တို့သည်လည်း မတူညီသော ခေါင်းဆောင်များ၏ ဝါဒလမ်းစဉ်များ ကြောင့် အချင်းချင်း စိတ်ဝမ်းကွဲလျှက် စည်းလုံးညီညွတ်မှု ပြိုကွဲပျက်ဆီး ကြရသည်။

များစွာသော ရှေ့ဆောင် မွတ်စလင်မ် ဆရာတော်ကြီးများသည် ထိုကဲ့သို့ မတူညီသော ဂိုဏ်းဂနပေါင်း များစွာဖြစ်တည် လာရခြင်းကိုပင် တုနှိုင်းမဲ့ကိုးကွယ်ရာ အရှင်၏ မူလ ကတည်းက ချမှတ်ပြဠာန်း ပေးခဲ့ သော ဘဝတည်ဆောက်မှု ဥပဒေကြီးအဖြစ် စွဲကိုင်လာသူများ ဖြစ်လာကြသည်။ ထိုအစဉ် အလာကြီးသည် ခေတ်ကာလ ကြာ ညောင်း လာ သည်နှင့်အမျှ မွတ်စလင်မ်တို့၏ နှလုံးသည်းပွတ်တွင် ကုရ်အာန်၏ အဆင့်အတန်းသည်လည်း၊ စကြဝဠာဆိုင်ရာ စွယ်စုံဥပဒေကျမ်းကြီး အဖြစ်မှ လဘ်လာဘတိုးပွားရုံ သက်သက်သာ အသံထုတ် နှုပ်တိုက်ရွတ်ဆိုရသော “ဂါထာမန္တန်” ကျမ်းစာအုပ် အဆင့်သို့ ချမှတ်ယုံကြည်ခဲ့ကြလေသည်။

ယနေ့ မျက်မှောက် ခေတ်တွင် များစွာသော မွတ်စလင်မ် ဆရာတော် ကြီး များအတွင်း တွင် ကုရ်အာန်သည် လူ့ဘဝ တည်ဆောက်မှု လမ်းစဉ်ကြီး ဖြစ်သည်ဟူသော အချက် ကိုပင် သိရှိသူများ ရှားပါးသွားသည်ဟု ဆိုရပေမည်။ အဘယ်ကြောင့်ဆိုသော် ထိုမွတ်စလင်မ် ဆရာတော်ကြီးများက မွတ်စလင်မ်များအတွက် ဟောကြားသော တရားများ ပြောကြားသော စကားများ ရေးသားသောစာအုပ်များ အားလုံးသည် ၄င်းတို့၏ ကျောင်းများမှ သင်ကြားပေးလိုက်သော ကျောင်းတော်ဝါဒများနှင့် ဂိုဏ်းဂန၀ါဒများ သာဖြစ် သည်။ ၄င်းတို့သိရှိထားသော တမန်တော်မုဟမ္မဒ်နှင့် တုနှိင်းမဲ့ ကိုးကွယ်ရာအရှင်က ကုရ်အာန်တွင် ဖေါ်ပြထားသော တမန်တော်မုဟမ္မဒ်သည် လုံဝဥဿုံ ကွဲပြားခြားနား ချက်များရှိနေသည် ကိုတွေ့ရပေသည်။ တမန်တော်မုဟမ္မဒ်သည် ကုရ်အာန်အရ မည်သည့်လူသား တစ်ဦးတစ်ယောက်ကိုမျှ ၄င်း၏မျိုးးရိုးဗီဇ ဖြစ်သော အာရဗ် ရိုးရာယဉ် ကျေးမှု ဓလေ့ထုံးတမ်းများကို သင်ကြားပေးခဲ့ခြင်း အလျှင်းမရှိခဲ့ပေ။ ကုရ်အာန်၏ လမ်း ညွှန်ချက် ရောက်ရှိပြီး နောက်ပိုင်းတွင် ရှိရင်းစွဲ အာရဗ်ရိုး ရာယဉ်ကျေး မှု ဓလေ့ ထုံးတမ်း မြောက်များစွာကိုပင် ပယ်ဖျက်ခဲ့ကြောင်း ကုရ်အာန်၏ မှတ်တမ်းတွင် တွေ့ ရှိ ရ ပေသည်။

ကုရ်အာန်တွင် တမန်တော် မုဟမ္မဒ်သည် လူသားတစ်ရပ်လုံး အတွက် စံပြဖြစ်သည်။ ထိုစံအတိုင်း လူသားတစ်ရပ်လုံးက ဘဝတည်ဆောက် နှိုင် ကြရန်အတွက် တမန် တော် မုဟမ္မဒ်၏ အရည်အချင်း များကို မီးမောင်းထိုး ပြထားသည်။ ကုရ်အာန် ၆၈း၎တွင် –

(ဧကန်အမှန် အသင်သည် ကိုယ်ကျင့်တရား အရာ၌ အမွန်မြတ်ဆုံးဖြစ်သည်။) ကုရ်အာန်တွင် ထိုကဲ့သို့ တမန်တော် မုဟမ္မဒ်အား ဒုတိယ နာမ်စားသုံး၍ တုနှိုင်းမဲ့ကိုးကွယ် ရာ အရှင်က ”အသင်သည် ကိုယ်ကျင့်တရား အရာ၌ အမြင့်ဆုံးဖြစ်သည်။” ဟူသောအချက်သည် တမန်တော်မုဟမ္မဒ်ကဲ့သို့ (သို့မဟုတ်) တမန်တော် မုဟမ္မဒ်ထက် သာပို၍ ကိုယ် ကျင့်တရား ကောင်းသူဟူ၍ မရှိနိုင်ပေ။ ထိုကဲ့သို့ပင် ကုရ်အာန် ၂၁း၁ဝ၇ တွင် ”ငါအရှင်သည် အသင့်အား စကြဝဠာ အနန္တအဖို့ ဂရုဏာရှင် အဖြစ်နှင့်သာ စေလွှတ်ခဲ့ ခြင်း ဖြစ် သည်။”

ကုရ်အာန်တွင် တုနှိုင်းမဲ့ကိုးကွယ်ရာ အရှင်က မိမိကိုယ်မိမိ ”ရဗ်ဗွလ်အာလမီးန်” စကြ ဝဠာအနန္တ ကို ဖန်ဆင်းပြုစု ပျိုးထောင် တော်မူသော အရှင်ဟု သုံးစွဲ၍ တမန်တော်မု ဟမ္မဒ်အား ‘ရဟ်မသွလ်လိလ်အာလမီးန်’ စကြဝဠာအနန္တ အတွက် ကရုဏာရှင် ဟုသုံး စွဲဖေါ်ပြထားသည်။ တမန်တော် မုဟမ္မဒ်တွင် ထိုကဲ့သို့သော အရည်အချင်းများ တည်ရှိ နေသည့် အတွက် ဆက်လက်၍၊ ကုရ်အာန် ၃၃း၂၁ တွင်

”ဧကန် အသင်တို့အဖို့ တုနှိုင်းမဲ့ကိုးကွယ်ရာ အရှင်၏ တမန်တော်၌ ကောင်းမြတ် လှ သော စံနမူနာများ ရှိနေသည်။” ဟူ၍ ထပ်ဆင့် ပြဌာန်းထားသည်။

ကုရ်အာန်တွင် ဖေါ်ပြထားသော လူသားတစ်ရပ်လုံး စံထားရမည့် တမန်တော် ၏မွန် မြတ်လှသော အရည်အချင်းများစွာမှ အနည်းငယ်ကိုသာ တင်ပြခြင်းဖြစ်သည်။ တမန် တော်၏ခံယူချက် ရပ်တည်ချက်နှင့် ဘဝတည်ဆောက်မှု များကို ကုရ်အာန်၏ ဖေါ်ပြချက်များမှ ကုရ်အာန်၇း၂ဝ၃-ပါဖေါ် ပြချက် တစ်ခုတည်း နှင့်ပင် တမန်တော်၏ ဘဝ တည် ဆောက်မှု လမ်းစဉ်ကို ကွက်ကွက်ကွင်းကွင်း မြင်တွေ့နှိုင်ပေသည်။

(အို-တမန်တော်) ၄င်းတို့အား အသင်ဤသို့ ပြောကြားပါလေ၊ (အချင်းတို့) ငါသည်ငါ၏ အရှင်ထံမှ ဗျာဒိတ်အဖြစ် ချပေးခဲ့သော ကုရ်အာန်အတိုင်းသာ ဖဝါးထပ် တူလိုက် နာ ကျင့် သုံး ဘဝတည်ဆောက်သူဖြစ်သည်။ ထိုကုရ်အာန်သာလျင် အသင်တို့၏ အရှင်ထံမှ သက်သေလက္ခဏာ ဖြစ်သည်။ ထို့ပြင် သက်ဝင်ယုံကြည် သူများအတွက် ဘဝ လမ်း ညွှန်မှုနှင့် ကရုဏာလည်း ဖြစ်သည်။)

ကုရ်အာန် ကျမ်းမြတ်၏ ထိုဗျာဒိတ် တစ်ခုတည်းကို စဉ်းစားဆင်ခြင် ခြင်းဖြင့်ပင်၊ တမန် တော်၏ ဘဝတည်ဆောက်မှု လမ်းစဉ်သည် ကုရ်အာန်ပြ စနစ်ဇယား နှင့်ထပ်တူထပ် မျှ တစ်သွေးတည်း တစ်သားတည်း ဖြစ်နေသည်။ တမန်တော် နှင့်် ကုရ်အာန်သည် ခွဲခြား ရှု မြင်၍ မရသော ဒင်္ဂါးပြား တစ်စေ့၏ ခေါင်းနှင့်ပန်း ပမာကဲ့သို့ ဒွန်တွဲ တည်ရှိ နေ သည်။

သို့ရာတွင် များစွာသော မွတ်စလင်မ် ဆရာတော်ကြီး များ၏ မွတ်စလင်မ် များအတွက် ဘဝလမ်းညွှန် ကျမ်းကြီးများတွင် ပါဝင်သည့် တမန်တော်၏ ရပ်တည်ချက်၊ ခံယူချက် နှင့် ဘဝတည်ဆောက်မှု ပုံစံများသည်၊ ကုရ်အာန်တွင် တည်ရှိနေသော တမန် တော်၏ ရပ်တည်ချက် ခံယူချက်နှင့် ဘဝတည်ဆောက်မှု ပုံစံများမှာ လုံးဝဥဿုံ ကွဲပြား ဆန့် ကျင် နေသည် ကိုတွေ့ရပေသည်။ ကုရ်အာန်ပါ တမန်တော်နှင့် လူသားပညာရှိ မွတ် စလင်မ် ဆရာတော်ကြီးများ ၏လူရေးကျမ်းကြီးများ တွင်ပါဝင်သော တမန် တော်၏ ကွဲ ပြားခြားနား ချက်တို့ကို ယှဉ်တွဲဖေါ်ပြပါမည်။

အင်ရှာအလ္လာဟ် ဆက်လက်တင်ပြပါဦးမည်။

ဦးစိုးလွင် (ငြိမ်းချမ်းလျှပ်စစ်)